Барселона шокантно загуби два бода на гостувањето против Селта Виго откако на полувремето водеше 0-3, а на крајот остана без победа. Домаќинот стигна до реми во 96.минута од дуелот.
Ансу Фати се повреди на полувремето во Барселона, а привремениот тренер Серхи сакаше во игра да го уфрли Кутињо. Но, тој, наводно, одбил да влезе во игра кога Барселона имала водство од 0-3.
Наместо Фати влезе Алехандро Балде, а Кутињо не доби ниту минута во Виго.
Бразилецот Кутињо пристигна од Ливерпул во Барселона во јануари 2018 година за 160 милиони евра. Тој се смета за еден од најголемите неуспеси кога се трансферите во прашање во историјата на клубот. За Барселона одигра 101 натпревар и постигна 25 гола.
