Бразилскиот ас Фелипе Кутињо нема среќа со повредите. Тој ќе мора да замине на нова операција на левото колено. Одлуката е донесена во консултација со лекарскиот тим на бразилската фудбалска репрезентација, а ќе го оперира Родриго Ласмар, главниот доктор во тимот на „кариоките“.
Кутињо е надвор од терените од крајот на декември и првично требаше да биде подготвен за настап на почетокот на април, но здравствената состојба се искомпликува и тој ќе мора на нова операција. Целта е да биде подготвен за Копа Америка, кој е закажан за 13.јуни.
Ова значи дека ќе ја пропушти сезоната во Ла Лига до самиот крај, а потоа најверојатно Барселона ќе сака и да го продаде. Од друга страна, ова е „добра вест“ за каталонскиот клуб, затоа што нема да одигра 10 натпревари оваа сезона и Барселона нема да му плати на Ливерпул бонус од 20 милиони евра.
