Барселона го загуби Ел Класико со 2-1, а тренерот Роналд Куман е незадоволен од арбитражата. Смета дека при стартот на Менди над Братвајт требаше да биде досуден пенал за Барселона.
„Не ни дадоа чист пенал. Не знам зошто воопшто има ВАР – технологија во Шпанија. Ова е срамота. Ние бевме послаб ривал во првото полувреме, дозволивме Реал Мадрид да поведе со 2-0, немавме агресивност во играта. Но, бевме многу подобри во второто полувреме. И заслуживме најмалку да израмниме. Повторувам, не ни е досуден чист пенал“, изјави Роналд Куман.
