Англискиот премиерлигаш Арсенал не доби позитивен одговор околу интересот за ангажман на Душан Влаховиќ, но затоа веднаш се фокусираше на друг фудбалер од Серија А. „Топчиите“ сакаат да го купат несудениот македонски репрезентативец Дејан Кулушевски од Јувентус.
Тој дојде во Торино како големо засилување од Парма за 35 милиони евра, но не ги оправда очекувањата. Масимилијано Алегри речиси и да не му дава шанса за настап, а Јувентус е подготвен да го продаде и за 25 милиони евра.
Кулушевски на 15 настапи во сите натпреварувања оваа постигна еден гол и забележа една асистенција во дресот на „старата дама“.
