Германскиот интернационалец Месут Озил долг период се измачуваше во Арсенал, но и откако направи трансфер во турскиот Фенербахче работите не тргнаа на подобро. Фановите имаат огромни очекувања од него, а тој се вклопи во сивилото на тимот и воопшто не отскокнува со игрите.
Озил на последниот натпревар против Анталијаспор заработи повреда и мораше да го напушти теренот, Фенербахче ремизираше (1-1), а Германецот пропушти одлична шанса за погодок. Тензијата е се поголема, а Озил веднаш го почувствува и пеколот што го нуди турскиот фудбал.
