Еден случај на коронавирус се појави во германската фудбалска репрезентација пред дуелите против Лихтенштајн и Ерменија во завршницата од квалификациите за Светското првенство.
Германија уште претходно го обезбеди првото место во групата, па натпреварите планирани за 11. и 14. ноември треба да бидат чиста формалност за избраниците на Ханси Флик.
И покрај идиличната ситуација на маса, медиумите во оваа земја јавуваат дека еден фудбалер е заразен со коронавирус и дека е во карантин, како и четири лица со кои бил во контакт.
Името на фудбалерот првично не беше наведено, но набргу потоа беше откриено дека се работи за дефанзивецот на Баерн, Никлас Зиле, кој бил вакциниран и не почувствувал никакви симптоми, но мора да го почитува протоколот за Ковид-19.
