Копенхаген со поддршка за Ериксен, мечот сопре во десеттата минута (ФОТО+ВИДЕО)

Кристијан Ериксен се опоравува, а цела Европа му искажа поддршка и му посака да оздрави и што е можно побрзо да му се врати на фудбалот. Посебно емотивно беше на вечерашниот меч во Копенхаген меѓу Данска и Белгија.

Мечот сопре во десеттата минута во знак на почит и поддршка кон Ериксен кој ја носи „десетката“ во селекцијата на Данска. Тој колабираше на првиот натпревар од ЕВРО против Финска и за среќа се чувствува се подобро и подобро.

Ериксен се уште нема дозвола од лекарите да ја напушти болницата и да им се врати на професионалните фудбалски обврски. Ќе мора да мине сериозни тестирања пред повторно да добие дозвола да му се врати на фудбалот.