Поранешниот менаџер на Тотенхем, Антонио Конте, е подготвен да ја преземе Барселона, пренесува каталонскиот весник „Спорт“. 54-годишниот Италијанец ги понудил своите услуги на каталонскиот клуб, но сѐ уште не добил одговор.
Конте го напушти Тотенхем во март минатата година и оттогаш е невработен. Стратегот претходно беше тренер на Интер, Челси, ги предводеше италијанската репрезентација, Јувентус, Сиена, Аталанта, Бари и Арецо.
Актуелниот тренер на шпанскиот шампион Чави Хернандез на 27 јануари објави дека ќе го напушти клубот на крајот од сезоната.
