Комо на одличен начин ја отвори новата сезона во Серија А, совладувајќи го Лацио со 2-0. Избраниците на Сеск Фабрегас одиграа одличен натпревар, а херои беа Анастасиос Дувикас и Нико Паз, кои погодија во второто полувреме. Паз се истакна и со асистенција, поради што заслужено беше прогласен за играч на натпреварот.
Лацио разочара и ќе има можност за поправен испит во второто коло против Верона, додека Комо ќе патува на гостување кај Болоња.
Фиорентина пропушти шанса за триумф на гостувањето кај Калјари. „Виолетовите“ водеа со голот на Мандрагора, но во последните секунди од судиското продолжение Луперто донесе бод за домашните (1-1).
