АП Брера Струмица утре ќе биде домаќин на Вардар во првото коло од новата сезона во Првата фудбалска лига. Иако имаше најави дека „Комитите“ ќе можат да гостуваат, а струмичкиот клуб се потруди да постави и монтажна трибина, сепак, тоа нема да се случи.
„За жал, гостинските навивачи нема да можат да бидат присутни. Добивме допис од ФФМ дека не смееме да ги примиме ‘Комити’ на трибините. Во мое име им се извинувам и во име на клубот. Направивме сѐ што беше во наша моќ, монтиравме и дополнителна трибина за таа намена“, изјави претседателот на АП Брера Струмица, Горан Пандев.
Натпреварот е закажан за утре со почеток во 17 часот.
