Македонскиот прволигаш Ренова го доби првото интернационално засилување во зимскиот преоден рок. Најавениот Колумбиец Џон Еди Мена Перез пристигна во Тетово. Тој ги мина лекарските прегледи и потпишува договор со „гипсарите“.
Се работи за напаѓач кој треба да ја засили конкуренцијата во навалната линија на Ренова. Тренерот Ќатип Османи вчера означи старт на подготовките на тимот. Првата фаза ќе биде реализирана во Тетово, а потоа тимот ќе замине на подготовки во Охрид каде ќе одигра неколку пријателски натпревари.
