Кој „пазареше“ најдобро? Сите трансфери во пресрет на стартот на Првата фудбалска лига

Почнува Првата фудбалска лига на Македонија. 32. издание на нашата фудбалска елита треба да донесе многу повозбудлива сезона, веројатно и малку поголем квалитет од минатогодишниот, иако, рака на срце, лигата е рангирана меѓу најслабите во Европа.

Пред сѐ поради инфраструктурата на која воопшто не работи ниту еден клуб.

Сепак, имаше многу трансфери во летниот преоден рок, а се наметнаа и новите прволигаши Гостивар и Воска Спорт кои купија огромен број нови фудбалери.

Најтрофејниот македонски клуб Вардар е повторно во елитата, па иако кубури со финансиски средства, тоа сепак дава еден нов шарм на Првата фудбалска лига.

Струга Трим Лум го брани шампионскиот трофеј, а Шкендија, Шкупи, па можеби и Работнички, кој сериозни се засили, Силекс и Брегалница, ќе се надеваат на висок пласман.

Во продолжение, сите трансфери во македонските прволигашки клубови реализирани до почетокот на првото коло.

СТРУГА ТРИМ ЛУМ
Дојдоа: Арди Идризи (Адана Демиспор, Турција), Вангел Згуро (Билис, Албанија), Сенад Јаровиќ (Минаур, Романија), Ментор Мазрекај (Лаци, Албанија)

Заминаа: Арбри Пенгу (Беса, Косово), Сухељ Мухарем (Скендербег, Албанија), Миклован Пере (Елбасан, Албанија), Зија Мерџани (Шкендија), Фатјон Јусуфи (Гостивар)

ШКЕНДИЈА

Дојдоа: Зија Мерџани (Струга Трим Љум), Алмир Аганспахиќ (Чукарички, Србија), Мевљан Адили (Билис, Албанија), Ендрит Красниќи (Приштина, Косово)

Заминаа: Ферхан Хасани (Хелсингор, Данска), Астрит Амзаи (Гостивар), Мустафа Мујезиновиќ (Гостивар), Мевљан Мурати (Работнички), Љупчо Дориев (Согдиана, Узбекистан), Михаил Маневски (Гостивар)

ШКУПИ
Дојдоа: Суад Сахити (Лапи, Косово), Андреја Ефремов (Скопје), Михал Пинтер (Злате Моравце, Словачка), Арби Воша (Македонија ЃП), Кристијан Тошевски (Тирана, Албанија), Дуду Сампаијо (Бузау, Романија), Хамза Рамани (Силекс), Давид Денковски (Брегалница), Давор Серафимов (Вардар)

Заминаа: Фреди Алварез (Батум, Тајланд), Џелил Абдула (Гостивар), Пепи Ѓоргиев (Гостивар), Владица Брдаровски (Вардар), Мелос Бајрами (Македонија ЃП), Гаги Маргвелашвили (Динамо Тбилиси, Грузија), Кристијан Наумовски Брунеи), Стефан Јакимовски (Македонија ЃП)

ВАРДАР
Дoјдоа: Владица Брдаровски (Шкупи), Лука Трајковски (Победа), Матеус Лемос (Македонија Ѓорче Петров), Алберт Алаведра (Приморје, Словенија), Азер Омерагиќ (Скопје)

Заминаа: Мартин Радуловиќ–Величковиќ (Билје, Словенија), Давор Серафимов (Шкупи), Дарко Размоски (Пелистер)

РАБОТНИЧКИ
Дојдоа: Мевљан Мурати (Шкендија), Влатко Стојановски (Септември, Бугарија), Томче Гроздановски (Злате Моравче, Словачка), Содик Рашид (Скопје), Петар Петковски (Конкордија, Романија), Егзон Белица (Приштина, Косово)

Заминаа: Фета Фетаи (Локомотива Загреб, Хрватска), Арменд Алими (Беса), Фати Исмаили (Воска), Николче Шаркоски (Воска), Анес Рушевиќ (Жетису, Казахстан)

ВОСКА СПОРТ
Дојдоа: Николче Шаркоски (Работнички), Бесар Исени (Феризај, Косово), Оусман Маронг (Радник, Србија), Никола Стијеповиќ (Сутјеска, Црна Гора), Вилдан Керим (Гостивар), Бурхан Мустафа (Брера Струмица), Алекса Марушиќ (Дечиќ, Црна Гора), Фати Исмаили (Работнички), Агон Хани (Победа), Стојан Стојчевски (Гостивар), Јован Николиќ (Сутјеска – Црна Гора).

Заминаа: Фитон Адеми (Беса), Оливер Христов (Детонит Плачковица), Енсар Љума (Арсими), Илбер Беќири (Арсими), Ајрдин Цуцули (Арсими), Изаир Емини (Беса), Илјаз Чилафи (Детонит Плачковица)

СИЛЕКС
Дојдоа: Кристијан Чурлинов (Скопје), Леонид Игњатов (Скопје), Антонио Каланоски (Гостивар), Димитрије Зајиќ (Слога Меридиан, БиХ), Панче Петров (Беласица), Димитриј Попоски (Тетекс), Иван Шуберт (Слобода, БиХ)

Заминаа: Хамза Рамани (Шкупи), Сашо Дуков (Саса), Филип Стојчевски (Брегалница)

ТИКВЕШ
Дојдоа: Ариан Ренер (Табор Сежана, Словенија), Даниел Мојсов (Брегалница), Филип Михаилов (Маршфелд, Австрија), Миле Тодоров (Скопје), Гал Куреж (Браво, Словенија), Марио Станковски (Триглав, Словенија), Џемал Ибиши (Ориент, Хрватска), Марио Гасама (Онисилос, Кипар), Благоја Спиркоски (Гостивар)

Заминаа: Александар Мишов (Самтредиа, Грузија), Ристе Темелков (Македонија ЃП), Стефан Наумчевски (Брера Струмица), Виктор Наумовски (Охрид), Стефан Костов (Пелистер), Едиз Спахиу (Гостивар), Мартин Давков (Брегалница), Андреј Лазаров (Рудеш, Хрватска)

МАКЕДОНИЈА ЃП
Дојдоа: Ристе Лембовски (Вардар Неготино), Стефан Јакимовски (Шкупи), Антон Карачанаков (Монтана, Бугарија), Мелос Бајрами (Шкупи), Ристе Темелков (Тиквеш)

Заминаа: Арби Воша (Шкупи), Матеус Лемос (Вардар), Есмин Личина (Малишева, Косово), Стефан Тасев (Вардар Неготино)

БРЕРА СТРУМИЦА

Дојдоа: Папе Оумар Сисе (Авецано Италија), Стефан Наумчевски (Тиквеш), Александар Ристевски (Брегалница), Лео Антонио (Лвов, Украина), Александар Ристевски (Брегалница), Андреј Аризанковски (Победа), Салваторе Рибаудо (Реал Авиља, Шпанија)

Заминаа: Бурхан Мустафа (Воска Спорт), Бојан Димовски (Акрон, Русија), Диме Димов (Локомотива Софија, Бугарија)

БРЕГАЛНИЦА

Дојдоа: Роналдо Вебстер и Колин Андерсон (Кавалие, Јамајка), Фабрицио Венегас и Џамал Дикенс (Костарика), Ване Јованов (Победа), Мартин Давков (Тиквеш), Кире Новаков (Триглав, Словенија), Филип Стојчевски (Силекс), Лука Робакидзе (Самтредиа, Грузија), Валериј Степаненко (Виторул, Романија).

Заминаа: Александар Ристевски (Брера Струмица), Даниел Мојсов (Тиквеш), Анџело Николовски (Детонит Плачковица), Иван Николов (Сондерјиске, Данска), Милан Џокиќ (Дубочица, Србија), Дарко Додев (Влазнија, Албанија), Александер Борха (Беса), Немања Шчекиќ (Слога, БиХ), Давид Денковски (Шкупи)

ГОСТИВАР
Дојдоа: Васко Василев (Рио Аве, Португалија), Мустафа Мујезиновиќ (Шкендија), Анид Абази (Скопје), Џелил Абдула (Шкупи), Амир Билали (Сутјеска, Црна Гора), Алпер Потук (Ризеспор, Турција), Фатјон Јусуфи (Струга Трим Љум), Едиз Спахиу (Тиквеш), Пепи Георгиев (Шкупи), Михаил Маневски (Шкендија), Ремзифаик Селмани (Партизани – Албанија).

Заминаа: Гордијан Христовски (Детонит Плачковица), Борјан Пановски (Пелистер), Дарко Стојанов (Детонит Плачковица), Стојан Стојчевски (Воска Спорт), Благоја Спиркоски (Тиквеш), Симеон Христов (Пелистер), ,Стојанчо Велинов (Черноморец, Бугарија), Вилдан Керим (Воска Спорт), Антонио Каланоски (Силекс)