Јовица Кнежевиќ и официјално повеќе не е шеф на стручниот штаб на второлигашот Тетекс, откако клубот по разгледувањето на оставката одлучи да ја прекине соработката.
Уште пред два дена, веднаш по поразот на „штофарите“ од Лабуништа беше најавена разделбата со Кнежевиќ кој сега е официјализирана, а во следното 23. коло од Втората лига – Запад тимот ќе биде со нов тренер.
Тетекс е во сериозна битка за опстанок во Втората лига. Во моментов со 23 бода е на само бод, односно два, пред последнопласираните Генч Калемлер и Гоблен јуниор.
