Европската асоцијација на фудбалски клубови (ЕКА) побара итен разговор со челниците на ФИФА за безбедноста на играчите на претстојниот Африкански куп на нации.
Ваквиот став дојде како последица на зголеменото противење на европските клубови кон нивните играчи кои учествуваат во ова натпреварување, а сето тоа поради појавата на нов вид на коронавирус регистриран во Камерун, каде Африканскиот куп на нации ќе се одржува од 9 јануари до 6 февруари.
“Извршниот одбор на ЕКА побара итен состанок со највисокото раководство на ФИФА за да се обезбедат сите неопходни мерки на внимателност за заштита на играчите. Сведоци сме дека здравствената состојба алармантно се влошува и мора да заземеме јасен став по тоа прашање“, велат од ЕЦКА, која застапува над 240 клубови.
