Македонскиот репрезентативец Енис Барди можеби ќе замине од Трабзонспор ова лето, иако пред два дена испрати порака на социјалните мрежи истакнувајќи дека ќе остане во турскиот клуб и следната сезона. Тој има уште две години од договорот со Трабзонспор, но турските медиуми откриваат дека клуб од МЛС – лигата на САД испратил понуда за одличниот играч за врска.
Тренерот Ненад Бјелица не би имал против Барди да замине, а Трабзонспор ќе бара 4,5 милиони евра за реализација на трансферот.
Пред една година за Барди беше заинтересиран ЛА Галакси, а сега не се открива кој клуб од МЛС – лигата е сериозно заинтересиран да го одведе преку Атлантикот.
