Менаџерот Јирген Клоп е уверен дека Ливерпул ќе се справи со отсуството на клучните фудбалери за време на турнирот на Африканскиот куп на нации, кој ќе се одржи од 9. јануари до 6. февруари. „Црвените“ ќе останат без Мохамед Салах (Египет), Садио Мане (Сенегал) и Наби Кеита (Гвинеја).
Салах оваа сезона постигна 21 гол во сите натпреварувања, а Мане и Кеита се исто така клучни играчи за Ливерпул.
„Одамна знаеме дека тројцата ќе играат на турнирот и најмалку двајца ќе имаат шанса да останат таму подолго. Имаме други опции од кои сум задоволен. Сепак, никој не може да биде целосно подготвен да загуби тројца играчи со нивниот квалитет. Како до целосно еднакви замени за Садио, Мо и Наби? Тешко е, но ќе најдеме опции. Кој и да игра, ние секогаш имаме план како да победиме. Дали ќе играме ист фудбал? Веројатно не, но кому му е грижа? Ќе играме како што можеме. Таква е ситуацијата“, изјави Јирген Клоп.
