Капитенот на Милан, Симон Кјаер, се врати на теренот по деветмесечно отсуство. Данскиот репрезентативец се опорави по операцијата поради скинатите вкрстени лигаменти на левото колено. Тешката повреда ја заработи на мечот против Џенова на 1 декември.
Тој заигра во финишот на вчерашното реми без голови против Сасуоло.
„Живеев сосема поинаку за време на рехабилитацијата. Не отидов во „Миланело“ бидејќи немаше што да правам или да кажам. Соиграчите ми испраќаа пораки за да ме охрабрат, но индивидуалната работа за моето опоравување беше само за мене”, изјави искусниот Данец.
