Баерн Минхен доживеа тежок пораз во првиот натпревар од четвртфиналето на Лигата на шампионите. Манчестер Сити победи со 3-0 на „Етихад“ е блиску до пласман меѓу четирите најдобри екипи.
Играчот од средниот ред Џошуа Кимих призна дека тој и соиграчите синоќа имаа тешка вечер во ЛШ.
„Ова многу боли. Бевме многу добри во првите 60 минути. Направивме многу повеќе грешки по вториот гол и му дадовме многу шанси на противникот. Навистина тешка вечер за нас. Но, Баерн никогаш не се откажува“, изјави Кимих.
