Манчестер Јунајтед со пресврт во второто полувреме го совлада Тотенхем со 1-3 и се зацврсти на второто место на табелата во Премиер – лигата. Единсон Кавани го разочара Жозе Мурињо постигнувајќи го победничкиот гол за „црвените ѓаволи“ со удар со глава во 79.минута. Мејсон Гринвуд во судиското продолжение го потврди триумфот, а го најави Фред со голот за израмнување во 57.минута.
Тотенхем имаше водство по првиот дел на овој дуел. Хјонг – Мин Сон во 40.минута го доведе лондонскиот тим до предност, но тимот на Мурињо на крајот забележа и убедлив пораз.
