Н’Голо Канте би можел да го напушти Челси на крајот од сезоната, тврдат англиските медиуми. „Сините“ од Лондон сакаат да го доведат играчот од средниот ред на Вест Хем, Деклан Рајс, во своите редови и неговото доаѓање ќе означи крај на ерата на Канте на „Стемфорд Бриџ“.
Рајс е голема желба на Томас Тухел, но сериозен конкурент за неговиот потпис е Манчестер Јунајтед. Цената не е мала. Вест Хем бара 100 милиони фунти за 23-годишниот играч за врска, а Рајс наводно е подготвен да го исполни неговиот сон и да заигра за тимот од делот на Лондон каде го поминал детството.
Канте за Челси одигра 239 натпревари и постигна 13 гола. Со клубот ги освои трофеите во Премиер – лигата, Лигата на шампионите, Лигата на Европа, ФА Купот и во Суперкупот на УЕФА.
