Јувентус во потрага по напаѓачот што ќе го замени Роналдо: Икарди, Кин, Скамака, Распадори…

Италијанскиот калчолигаш Јувентус се подготвува за „животот после Роналдо“. Португалската ѕвезда по три години ќе го напушти Торино и ќе потпише за Манчестер Сити. Ќе се врати во Премиер – лигата, но во синиот дел на Манчестер што секако ги прави гневни фановите на Јунајтед.

Јувентус веќе тргна во офанзива по напаѓачот што ќе го замени Кристијано Роналдо во тимот на Масимилијано Алегри. „Старата дама“ разгледува неколку опции, но најреални се две. Да го доведе Мауро Икарди од Пари Сен Жермен или пак да го врати назад Моисе Кин, кој како млад фудбалер настапуваше во дресот на Јуве.

Јувентус ја разгледува можноста и за ангажман на Џанлука Скамака и Џакомо Распадори, но јасно е дека Алегри сака проверено име кое веднаш ќе може да се вклопи во тимот.