Игор Тудор ќе продолжи да биде тренер на Јувентус и во новата сезона. Ова го потврди новиот спортски директор на „бјанконерите“ Демиен Комоли на прес-конференција во Торино.
„Решивме да продолжиме со Игор за Светското клупско првенство и понатаму, бидејќи тој ќе остане и следната сезона“, изјави Комоли за медиумите.
Хрватскиот стручњак го презеде тимот на крајот од сезоната откако Тијаго Мота доби отказ.
Под водство на Тудор, Јувентус успеа да обезбеди пласман во Лигата на шампионите, што ја сврте вагата во негова корист за постојан договор.
