Раководството на Јувентус е бесно и размислува да ги казни Вестон Мекени, Пауло Дибала и Артур откако присуствувале на приватна забава, прекршувајќи ги мерките за спречување на коронавирусот. На Апенините ова е топ тема.
Наводно, Мекени организирал приватна забава каде присуствувале десет лица, вклучувајќи ги и неговите двајца соиграчи. Забавата била прекината откако соседите повикале полиција.
Се верува дека сите присутни се казнети со по 400 евра, но за фудбалерите на Јуве последиците може да бидат уште поголеми. Така, „бјанконерите” размислуваат да ги отстранат тројцата играчи од составот за градското дерби против Торино в недела.
