Италијанскиот калчолигаш Јувентус и шпанскиот клуб Реал Мадрид подготвуваат размена која треба да им биде од полза на двата клуба. „Старата дама“ инсистира, „кралевите“ се уште се несигурни, но се чини дека Анчелоти со задоволство би го прифатил Адриен Рабио.
Во спротивна насока треба да замине Дани Себалјос кој долго време беше повреден и е во втор план во тимот на Реал Мадрид.
Масимилијано Алегри сака да го реновира средниот ред на Јувентус, а ова би бил добар почеток. Претходно, пристигна и италијанскиот репрезентативец Мануел Локатели, кој веќе се наметнува како нов лидер во линијата за врска.
