Италијанскиот калчолигаш Јувентус би можел да го врати Миралем Пјаниќ во Торино во зимскиот преоден рок. Неодамна во турските медиуми се појави информација дека Бешикташ сака да го врати Пјаниќ во Барселона во јануари, а од Италија пристигнуваат вести дека „старата дама“ го сака на позајмица до крајот на сезоната.
Масимилијано Алегри го посакува Пјаниќ во својот тим, одлично ги познава неговите квалитети и верува дека тој повторно би заиграл во старата препознатлива форма во Торино.
Јувентус сакаше да го врати Пјаниќ и ова лето, но зделката не се реализираше, па на крајот репрезентативецот на БиХ во недостиг на опции заврши во Бешикташ.
