Јувентус го обнови интересот за напаѓачот на Манчестер Сити, Габриел Жесус, пренесува „Кориере дело Спорт“.
„Бјанконерите“ сакаат да го засилат нападот во летниот преоден рок бидејќи Дибала сигурно заминува, а иднината на Мората е неизвесна.
Жесус подолго време е на радарот на Јуве, а минатото лето се поврзуваше со трансфер во Торино.
Манчестер Сити е во потрага по нов голгетер и е подготвен да слушне понуда за Бразилецот, кој исто така сака да ја промени средината. Јувентус наскоро ќе започне преговори со неговиот агент.
