Капитенот на Јувентус, Џорџо Киелини, ќе биде надвор од терените до март, објавија италијанските медиуми. 37-годишниот дефанзивец се повреди во победата од 2-0 над Верона во неделата и беше принудно заменет.
Киелини денеска ги мина деталните лекарски прегледи, при што беше откриена повреда на левата потколеница која ќе го остави надвор од терените најмалку 20 дена.
Капитенот на „старата дама“ ќе го пропушти мечот со Сасуоло за Купот на Италија оваа недела, натпреварите од Серија А против Аталанта, Торино и Емполи, како и првиот осминафинален натпревар во Лигата на шампионите против Вилјареал на 22 февруари.
