Фудбалерите на Јувентус не можеа доволно добро да се мотивираат за дуелот со Емполи откако клубот доби дефинитивна казна од „минус десет“ бода со што одлетаа и шансите за пласман во Лигата на шампионите. Тоа го искористи домашниот тим да слави со 4-1.
Капуто од пенал во 18.минута донесе водство, а три минути подоцна Луперто зголеми на 2-0. Капуто беше стрелец и на третиот гол, а потоа Киеза постигна почесен погодок за Јувентус.
Конечниот резултат го постави Роберто Пиколи во судиското продолжение од мечот.
Претходно, Рома и Салернитана ремизираа, 2-2.
