Манчестер Јунајтед би можел да ја заинтересира Борусија Дортмунд за играчот од средниот ред Дони Ван де Бек за да стигне до пол-позиција за потписот на Ерлинг Халанд. Медиумите истакнуваат дека Манчестер е подготвен да го испрати Ван де Бек и да плати уште 60 милиони евра за Норвежанецот.
Германските медиуми истакнуваат дека поранешниот играч на Ајакс е цел на „милионерите“ од Дортмунд кои сакаат да го позајмат оваа зима од Јунајтед, со откуп на крајот од сезоната. Од пристигнувањето на „Олд Трафорд“ во 2020 година, Ван де Бек не ја доби, ниту ја искористи можноста, па сега не е во плановите ниту на Ралф Рангник.
Тој сака да замине, а на Јунајтед не му пречи ако некој сака да плати 30 милиони евра за него. Борусија Дортмунд е еден од заинтересираните клубови, но прашање е дали Халанд ќе се одлучи за Манчестер Јунајтед, бидејќи неговиот агент Мино Рајола веќе ги позиционираше Барселона, ПСЖ и Реал Мадрид како главни цели.
