Ренова експресно ја заврши потрагата по нов голгетер по заминувањето на Миовски во Унгарија, откако „гипсарите“ го комплетираа трансферот на Ален Јашароски од редовите на Македонија ЃП.
Јашароски има зад себе успешна сезона во дресот на „лавовите“, а учеството во квалификациите за ЛЕ со Ренова беше една од причините поради кои 28-годишниот голгетер реши да си замине од Ѓорче Петров и да се пресели во таборот на „гипсарите“.
Јашароски во кариерата има настапувано и за Работнички, Шкупи, Хоризонт Турново, Металург, Еуромилк, а имаше и кратка меѓународна авантура во дресот на Приштина.
