Суперѕвездата на Барселона, Ламин Јамал, откри дека големата популарност понекогаш му го отежнува нормалното секојдневие на еден тинејџер.
„Ако бев дефанзивец, сигурно би ми било непријатно постојано да се обидуваш да фатиш играч кој е многу подобар од тебе. Би ги замолил да забави малку, инаку моите пријатели би правеле мемиња за тоа“, изјави Јамал кога беше прашан за своите извонредни дриблинг способности и колку е тешко да се игра против него.
Во последните шест месеци, вниманието на јавноста се насочи кон неговиот приватен живот, а Јамал призна дека големата препознатливост понекогаш многу го ограничува. Сепак, тој вели дека речиси ништо не би променил.
„Сите околу мене постојано велат „не“. Ако сакам да излезам, ми велат „не“. Ако сакам да одам да јадам, исто така „не“. Прашувањето е: „Кого слушаш?“ Јас ја слушам мајка ми. На крајот, едно 18-годишно момче излегува од училиште и се враќа дома. Јас одам да тренирам, а пред мојата куќа се четворица папараци и ми поставуваат прашања за животот. Вклучувам телевизор и сум на телевизија. Одам по улица и гледам дете со мојот дрес. Би сакал да излезам на пијалок, но не можам, бидејќи луѓето ќе ме застануваат. Но, не ми пречи да бидам ѕвезда. Всушност, ми се допаѓа“, додаде тој.
Јамал зборуваше и за Лионел Меси и споредбите меѓу нив.
„Тој е најдобриот во историјата. Јас знам дека не сакам и не можам да бидам Меси, а и тој знае дека јас не сакам да бидам токму како Лео. Сакам да го следам својот пат, и тоа е тоа“, заклучи Ламин Јамал.
