Македонскиот прволигаш Македонија Ѓорче Петров официјално ги промовираше тројцата нови фудбалери кои ќе го носат дресот на „лавовите“ во пролетниот дел од сезоната во Првата фудбалска лига. Офанзивецот Изет Ајрулаху е најновата аквизиција за тимот на Жикица Тасевски. Тој им се приклучи како ново име на Бразилците Робсон да Силва и на Чарлестон, кои многу порано се определија да бидат дел од таборот на ѓорчепетровци.
Изет Ајрулаху во есенскиот дел од сезоната беше еден од најдобрите поединци на лидерот во Втората лига Запад, тимот на ФК Скопје. Чарлестон беше дел од одбраната на Вардар, додека Робсон да Силва во првиот дел од шампионатот го носеше дресот на Беласица и реши повторно да се врати во Ѓорче Петров.
Македонија ЃП уште неколку дена ќе тренира во Скопје, а потоа се сели во турскиот туристички центар Анталија каде ќе го одработи вториот дел од зимските подготовки.
