Тренерот на Интер, Симоне Инзаги му ја препушта фаворитската улога на Ливерпул пред пресметка на двата тима во Лигата на шампионите.
„Мислам дека англиските клубови се многу силни. Сите освен Челси ги освоија своите групи. Ливерпул е меѓу најдобрите клубови во Европа, но нашите момци заслужуваат да играат вакви натпревари. Долги години не учествувавме во нокаут фазата на ЛШ и иако ќе ни биде доста тешко, ќе се обидеме да одиме напред. На хартија Ливерпул е фаворит, но натпреварите не се добиваат таму, туку на теренот. Ќе побарам од моите играчи да излезат на теренот и да играат со чист ум, покажувајќи ги нашите идеи“, изјави Инзаги.
Тој смета дека екипата што ќе покаже поголем карактер на крајот ќе оди во следната фаза.
„Одлучноста ќе ја направи разликата. Сите напаѓачи имаат еднакви шанси да бидат стартери. Мора да покажеме победнички карактер, тоа ќе биде пресудно во двомечот против Ливерпул“, дополни стратегот на Интер.
