Интер продолжи да настапува променливо и загуби со 0-1 на „Џузепе Меаца“ од тимот на Монца. Тоа е четврти пораз за „нероаѕурите“ во последните пет меча во Серија А.
Тренерот Симоне Инзаги истакна дека неговите играчи и покрај поразот покажале голема желба за победа.
„Тимот имаше добро прво полувреме, а потоа колку подолго не постигнувавме гол, го губевме трпението. Ова е чиста копија на ситуацијата од натпреварите против Фиорентина и Салернитана. Многу сакавме да победиме и овој негативен резултат ќе го забави нашиот напредок во првенството. Не е точно дека не ни е грижа за Серија А“, изјави Инзаги за „Скај Спорт Италија“.
