Тренерот на Интер, Симоне Инзаги ги сподели своите очекувања за претстојното финале на Купот на Италија против Фиорентина, надевајќи се дека ќе ја задржи својата репутација на специјалист за трофеи во ова натпреварување.
„Сум учествувал во неколку финалиња, каде некогаш бевме фаворити, а во други случаи – аутсајдери. Утре се соочуваме со тим кој е во одлична форма. Тие загубија само 4 од последните 24 натпревари. Знаеме што нѐ чека, двата тима се сретнале многу пати низ годините. Тие се тим со апсолутна вредност и натпреварот ќе биде широко отворен. Ќе мора да бидеме тим кој добро ги контролира важните моменти од натпреварот.
Да се надеваме дека мојата слава како специјалист во финале ќе продолжи, бидејќи ни претстојат две важни финалиња. Ме радува овој факт и се надевам дека традицијата ќе продолжи, но морам да им се заблагодарам за тоа на моите играчи“, изјави Симоне Инзаги.
