Вистински хаос се случуваше по завршувањето на натпреварот меѓу Струга Трим Љум и Гостивар, кој заврши без победник, 1-1, во рамките на 28. коло од Првата македонска фудбалска лига.
Иако резултатот е „мирољубив“, јасно е дека и двете екипи посакуваа победа, па страстите на теренот зовреа по завршување на дуелот.
Веднаш по последниот свиреж, атмосферата на стадионот во Струга се вжешти. Дојде до сериозна мешаница, мораше да интервенира и полицијата.
Се очекува и овој натпревар, а посебно делот по завршувањето и заминувањето на фудбалерите кон соблекувалните, да биде под лупа на дисциплинските органи на ФФМ, а се очекува и официјално соопштение од МВР, можеби и од двата клуба.
