Првиот голман на Интер, Јан Зомер, ќе мора да паузира неколку недели. Како што соопшти клубот, Зомер има пукнатина на коската на палецот, поради што ќе отсуствува до четири недели.
Во тој период, Интер ќе одигра неколку натпревари на три фронта – во Серија А, Купот на Италија и Лигата на шампионите.
Сигурно е дека ќе го пропушти првиот натпревар од осминафиналето против ПСВ Ајндховен или Феенорд, како и дербито со Наполи во Серија А, дуелите со Џенова и Монца, како и натпреварот со Лацио во Купот.
Можно е да се врати за реваншот од осминафиналето на Лигата на шампионите на 11 или 12 март, но поверојатно е дека ќе биде подготвен за дуелот со Аталанта, кој следува веднаш потоа.
Се очекува неговото место во меѓувреме да го заземе помалку познатиот Шпанец, Хосеп, кој летово пристигна од Џенова. Оваа сезона бранеше само во Купот на Италија против Удинезе, на 19 декември.
