Марсело Брозовиќ пристигна во Интер во 2016 година во трансфер вреден 5 милиони евра и по седум години најверојатно ќе следи разделба, а клубот ќе заработи петпати повеќе.
Интер ја прифатил понудата на Ал-Насра од 23 милиони евра за Хрватот.
Клубот од Саудиска Арабија има огромни амбиции по доведувањето на Кристијано Роналдо, па Брозовиќ треба да пристигне како уште едно звучно засилување.
Хрватот има понуда и од Барселона, која е поатрактивна на фудбалски план, но проблем ќе биде финансискиот предизвик со кој се соочуваат Каталонците.
Барса ќе мора да продаде неколку вредни играчи за да ги регистрира засилувањата, чекаат Ињиго Мартинез и Илкај Гундоган.
Интер секако ја гледа заработката и притиска Брозовиќ да замине во Саудиска Арабија.
