Претседателот на ФИФА, Џани Инфантино, најави дека многу брзо може да се очекува промена на форматот на Светското клупско првенство. По завршување на пандемијата на коронавирусот, Инфантино планира клупски мундијал, и тоа во земјата од каде започна пандемијата – Кина.
Годинашното Светско клупско првенство е одложено за во февруари 2021, а следното би било во Кина, и тоа со дури 24 клуба од целиот свет.
„Ќе биде тоа најдоброто клупско натпреварување во светот. Се уште не го знаеме точниот датум, но би играле 24 најдобри клубови во светот. Ќе се игра во Кина и ќе биде вистински спектакл“, откри првиот човек на ФИФА.
