Илиев: Можеме до победа против Израелците

Голманот Дени Илиев верува дека македонската репрезентација може до триумф на утрешниот квалификациски натпревар против Израел во Бер Шева.

„Подготвени сме максимално да се бориме за позитивен резултат. Израел е квалитетна селекција, но ние веруваме во нашите квалитети. Можеме до победа на утрешниот меч. Има огромен мотив кај сите нас за позитивен резултат на утрешниот дуел“ – истакна Илиев на прес-конференцијата во Бер Шева.