Ѕвездата на Аталанта, Јосип Иличиќ, би можел да ја заврши фудбалската кариера поради проблемите со депресијата. Тој на почетокот на пандемијата веќе отсуствуваше подол период, потоа се врати, но сега повторно има големи проблеми.
Тренерот Гасперини потврди дека фудбалерот има проблеми, за што впрочем беше јасно кога ги пропушти дерби мечевите со Лацио и со Интер, како и мечот со Венеција. Аталанта не го пријави Иличиќ и за средбите од Лига Европа во пролетниот дел од сезоната.
Гасперини изрази надеж дека словенечкиот офанзивец сепак ќе успее да ги надмине проблемите и повторно ќе се стави на располагање на тимот. Во редовите на Аталанта Иличиќ настапува од 2017 година.
