Македонскиот првак Струга Трим Лум во продолжение од сезоната ќе го предводи Илчо Ѓорѓиоски. Тој се договори со раководството на стружани да ја преземе улогата на шеф на стручниот штаб до крајот на сезоната. Негов прв асистент ќе биде Меритон Гега, кој го водеше составот на дуелот против Гостивар во четвртфиналето на Купот и забележа успех од 1-0.
Струга Трим Лум остана без тренер по оставката на Ќатип Османи, по двата порази на стартот на пролетниот дел од сезоната. Струга ТЛ загуби на гости против Гостивар (1-0) во Скопје, а потоа и на домашен терен (0-2) од Вардар.
Илчо Ѓорѓиоски ќе дебитира на клупата на Струга Трим Лум на гостувањето против Силекс во Кратово овој викенд.
Во текот на денот информацијата за ангажманот на Илчо Ѓорѓиоски треба да ја потврди и клубот.
