Шведскиот ас Златан Ибрахимовиќ и со полни 40 години игра фантастично во дресот на Милан во Серија А. Тој постигна прекрасен гол од слободен удар во вечерашниот триумф (0-3) над Џенова, а потоа даде интересна изјава за медиумите.
„Овие момци ме прават многу среќен и јас се забавувам со нив на теренот. Среќен сум и поради нашиот тренер Стефано Пиоли, а сега е време да го продолжам договорот“, изјави Ибрахимовиќ.
Швеѓанецот има договор со Милан до крајот на сезоната, но тој сака да остане најмалку уште една сезона на „Сан Сиро“.
