Матс Хумелс е трагичар на синоќешното дерби од првото коло во групната фаза од ЕВРО, бидејќи со автогол донесе триумф на Французите против својата Германија.
Хумелс ја погоди мрежата на Нојер во 20. минута откако несмасно реагираше на центаршутот од левата страна и со лоша реаквија ја испрати топката под гредата на голот на Нојер.
Хумелс, сепак, вели дека добил огромна поддршка од навивачите по несреќниот момент и поразот од Франција.
„Поразот многу нè разочара затоа што не заслуживме да загубиме. Не бевме воопшто инфериорни, напротив. Јас посебно се чувствувам несреќно затоа што постигнав несреќен автогол што на крајот го реши натпреварот. Би сакал да им се заблагодарам на сите за зборовите на поддршка, никогаш во животот не сум добил толку многу пораки, тоа е одлично чувство затоа што ми значи многу што повторно можам да играм за Германија. Одиме на три бода на следниот меч“, изјави Матс Хумелс.
