Хрватска ја победи Ерменија со 1-0 на „Максимир“ и директно се пласираше на Европското првенство кое следната година ќе се одржи во Германија. Стрелец на единствениот гол беше Анте Будимир во првото полувреме од дуелот.
На првото место во групата се најде Турција, по ремито (1-1) на гости против Велс.
Нико Вилијамс донесе рано водство за Велс, меѓутоа Јусуф Јазичи од пенал израмни во 70.минута од мечот.
Холандија немаше никакви проблеми против Гибралтар и славеше со 0-6, а Франција одигра само 2-2 на гости против Грција.
Белорусија го победи Косово на гости со 0-1, а Романија славеше против Израел со 1-0.
