Фудбалерите на Холандија се први четвртфиналисти на Светското првенство во Катар откако во првиот осминафинален дуел ја совладаа селекцијата на Соединетите Американски Држави со 3-1.
Мемфис Депај во десеттата минута го отвори резултатот, а Дејли Блинд во 45.минута зголеми на 2-0.
Мала надеж селекцијата на САД врати со голот на Хаџи Врајт во 76.минута. Сепак, Холандија постигна трет гол преку Дензел Думфрис во 81. минута од мечот.
Холанѓаните во четврт-финалето ќе го чекаат подобриот од вечерашниот дуел меѓу Аргентина и Австралија.
