Во понеделник, пред околу 17.000 навивачи на Националната арена “Тоше Проески”, германската репрезентација и гостува на Македонија. Новиот селектор на Германците, Ханси Флик очекува одлична атмосфера, каде се надева дека неговите фудбалери само ќе го потврдат пласманот во Катар следната година.
“Не гледам назад во минатото, ние сакаме само да ја имаме нашата филозофија на теренот, да бидеме обединети, да останеме активни. Сакаме да победиме и што е можно побрзо да го обезбедиме пласманот на Светското првенство”, изјави Флик на денешната прес-конференција.
“Атмосферата во Скопје ќе биде вжештена. Македонската репрезентација ќе биде целосно мотивирана. Тие сакаат да ги задржат шансите за пласман на СП и со победата која ја имаа на наш терен сега имаат поголема самодоверба. Но, Македонија знае како да игра фудбал, имаат искусни играчи во составот, затоа мораме да ги покажеме нашите сопствени квалитети и мислам дека тоа ќе биде одлучувачко.”
