Менаџерот на Манчестер Сити, Пеп Гвардиола, нагласи колку е важно неговите фудбалери да уживаат во играта. По победата со 0-6 против Ипсвич во натпревар од 22. коло на Премиер – лигата, Гвардиола изјави дека неговите играчи уживаат во фудбалот кога играат добро и кога разбираат кои се стандардите што треба да ги исполнуваат.
„Тие знаат кога играат добро, а кога не. Не зборувам само за победата или за поразот. Во нашата работа, уживањето не е само да се освојат трите бода, важно е да уживаш во играта“, изјави тој.
Тој даде пример со театар, велејќи дека не е важно дали е во Лондон или во Шефилд, туку дали луѓето во тој театар уживаат во претставата.
Гвардиола напомена дека Манчестер Сити изгубил бодови поради различни причини, најмногу поради повреди, но изрази надеж дека полека тимот ќе се врати на вистинскиот пат.
