Манчестер Сити и Ливерпул, два тима кои во изминатата деценија често се бореa за титулата, ќе се соочат вечерва (17.30 часот) во клучен дуел од Премиер лигата, во потера по лидерот Арсенал.
За менаџерот на „граѓаните“, Пеп Гвардиола, ова ќе биде посебен натпревар, бидејќи ќе го има својот 1000. меч, и тоа на „Етихад“ против големиот ривал.
Манчестер Сити е во одлична форма последната недела. „Граѓаните“ забележаа убедлива победа од 4-1 против Борусија Дортмунд во Лигата на шампионите, што е нивна шеста победа во последните седум натпревари. Сега целта им е Премиер – лигата, каде што минатиот викенд со триумф од 3-1 против Борнмут на „Етихад“ покажаа дека се подготвени за нови три бода против Ливерпул.
Импресивно е што Манчестер Сити има десет победи во последните 12 натпревари во Премиер – лигата против актуелни шампиони (едно реми, еден пораз).
Од друга страна, Ливерпул покажува знаци дека раното колебање на почетокот од сезоната е надминато, откако забележа две чисти победи против Астон Вила и особено против Реал Мадрид во последната недела.
Актуелниот шампион во Премиер – лигата претходно загуби пет последовни натпревари во лигата пред триумфот над Астон Вила, што ги издвои во топ-три пред овој круг, само еден бод зад Сити. Арне Слот ќе биде мотивиран да ја прекине серијата од три порази на гостински терен, бидејќи Ливерпул не загубил четири последовни гостувања од 2012 година.
