Англискиот првак Манчестер Сити тргнува во акција за ангажман на Пауло Дибала од Јувентус. На Аргентинецот на лето му истекува договорот со италијанскиот клуб, а досега најзагреан за неговите услуги беше Интер. Бепе Марота сметаше дека ќе успее да го убеди да се пресели на „Џузепе Меаца“, но сега во трката влезе финансиски моќниот Манчестер Сити.
Пеп Гвардиола побарал од раководството да го доведе Дибала на „Итихад“ и веќе му е подготвен петгодишен договор според кој би заработувал 10 милиони евра по сезона. Тоа е за 3 милиони евра годишно повеќе од понудата што во моментов ја има од Интер.
Манчестер Сити од лето ќе биде посилен и за Хулијан Алварез кој за 18 милиони евра доаѓа од Ривер Плата.
